Santuario de Santiago 3: Jaime Carlo Dizon

Nang makilala ni Dorothy ang sikat na basketball player na si Jaime Dizon ay naunawaan niya ang sinasabi ng marami na love at first sight. Lahat ng katangian nito ay masasabi niyang perpekto na hanggang bone marrow ay umaabot ang kilig sa kanya. Mabait ito, masarap kausap, maasikaso, palangiti, at malambing. Masasabi niyang sikat na siya sa industriya ng musika pero siya ay lalong nai-starstruck dito. Dumating na rin naman siya sa puntong pinaghahandaan ang pormal na panliligaw nito. Pero nagkamali lang pala siya ng akala. Isa lang siyang certified assumera. Jaime courted another girl and proposed marriage on national television. She went back to the province and hid herself from the crowd.

Two years later ay lumabas na siya sa lungga at nagpakita sa mga tao. Jaime was free and very available for her. Ang dami nitong pakulo tuwing lalapit sa kanya at gabi-gabi pa kung sunduin siya sa trabaho. Nakakakilig man ay lalo siyang umiiwas dito dahil ayaw na niyang magkamali pang muli. Pero hindi niya maggawang tanggihan ang mga halik at paglalambing nito. In short, the man got her again until something happened to them one night. The days and nights became sweeter and hotter. Akala niya ay okay na pero nagkamali na naman siya. Mabuting kaibigan daw ang turing nito sa kanya. Pero nagtataka siya. Do friends kiss? Do friends make love like there is no tomorrow? Ang mas nakaka-frustrate ay ang dahilan kung bakit ito lumalapit at nang-aakit sa kanya.

Mukha talagang walang lugar para sa kanya sa puso ng binata. Mahal na mahal niya ito pero lalo siyang natakot. Muli lang siyang nagtago at nakita siya nito. “Dorothy, huwag mo na akong iwan. Hindi ko kaya. Para akong hindi makahinga kapag wala ka sa tabi ko.” Mahal din naman yata siya nito pero ayaw na niyang maniwala.