Santuario de Santiago 8: Apollo Matteo Conti

Isang dalagang ina si Jopay. Sa kabila nito ay masaya siya kasama ang kambal na nabuo dahil lang sa isang gabing kapusukan. Hindi niya kilala ang ama ng mga ito pero nasisiguro niyang ubod iyon ng gwapo kung ang pagbabasehan ay ang mukha ng mga anak niyang kahit kaunti ay walang nakuha sa kanya.

Isang araw ay nasali siya sa isang hindi inaasahang rally dahil sa pasaway niyang pinsan. Doon niya muling nakita ang dati niyang best friend na si Apollo. Ibang-iba na ito sa kanyang palangiti at chubby na kaibigan. The man was oozing with confidence and sex appeal. Siya naman ay hindi maiwasang kulitin nang kulitin ito. Habang ang binata naman na tila isang hari ay hindi naman siya magawang itaboy.

Ang hindi niya inaasahan ay magkagusto at ma-in love sa lalaking napakaseryoso at hindi marunong ngumiti. May happy ending kaya ang walang humpay na pangungulit niya sa binata? Ang isa pang iniisip niya rito ay kung makakaya nitong tanggapin ang kambal niya.