Santuario de Santiago 2: Isaac Lagdameo

Nasa kolehiyo pa lamang si Belle ay lihim na niyang minamahal si Isaac. Kaklase niya ito sa ilang subjects pero hindi siya nito napansin kahit kailan. Makalipas ang halos ang isang dekada ay saka naman lumapit ito sa kanya. Kung kailan akala niya ay walang kapupuntahan ang damdamin niya ay niyaya siya nitong makipag-date. Secretary siya ng pinsan nitong si Leandro at doon marahil siya nagsimulang mapansin nito.

They went out twice. They kissed many times in his car. They almost made love until Isaac disappeared without any warning. Bigla ay parang hindi siya kilala nito tuwing pupunta ito sa opisina ng kanyang boss na pinsan nito. Sa kabila nito ay sumusulpot pa rin ito para akitin siya ng mga halik nito. “Tell me you want me, my Belle,” anito. Siya namang gaga ay sumasagot. “I want you so much, Isaac.” Hayun at lalong mayabang ito at pagtatawanan siya. Laging ganoon ang setup nila hanggang isang gabi ay tuluyan na niyang ipinagkaloob ang sarili dito.

Naging masaya siya sa piling nito dahil parang totoong mag-asawa kung magturingan sila habang nagsasama sa condo unit nito. Pero muli lang pala siyang paiiyakin nito nang muli itong makipaghiwalay sa kanya nang walang malinaw na dahilan. She tried to move and dated with other guys. Ang nakakapagtaka lang ay kung bakit lagi itong naroon at sinisira ang date niya para lang ihatid siya sa apartment niya at paulit-ulit na may mangyari sa kanila. Nagbunga ang kanilang kapusukan at ito naman ay excited to become a daddy ang drama. Tumira ito kasama siya at biglang parang isang bata itong ayaw mahiwalay sa kanya. Pero nang akala niya ay tuluy-tuloy na ang ligaya niya ay saka bumalik ang ex-fiance nito na madalas makipagkita sa lalaki.

Paano na siya? Paano na ang baby nila? Paano na sila ni Isaac? Isang bagay lang ang sigurado niya. Muli niyang palalayain ang lalaki mabigat man sa kalooban niya.