30 Days with Him

Si Ayesha Marie Mabasa ay isang writer na walang experience sa love. Wala naman kasing nanligaw sa kaniya simula pa noong nag-aaral pa siya. Ang tingin sa kaniya ng mga kaeskuwela ay isang manang na nerd.

Samantalang si Adonis naman ay ang maniyak niyang kapitbahay na pinaglihi yata sa ipo-ipo sa lakas ng hangin nito sa katawan. Masyado itong bilib sa angking kakisigan at kaguwapuhan nito, na pati siya ay nais nitong mabiktima. Walang ginawa ang binata kundi ang buwisitin siya.

Hanggang sa isang assignment ang kailangan niyang gawin alang-alang sa kaniyang pinakamamahal na trabaho. Kailangan niyang makapagpasa ng manuscript na ang genre ay malayo sa mga isinusulat niyang mga nobela. Isang genre na kahit kailan ay hindi niya in-imagine na isusulat niya.

Paano kung ang kinaiinisan niyang kapitbahay ang tanging solusyon, para magawa niya ang nobelang nakaatang sa kaniya? Magawa kaya niyang makipaglapit dito? Ano kaya ang kalalabasan ng kanilang pagsasama?