The World Of Badass Billionaires

Bata pa lang sina Hasna at Greco ay itinanim na sa utak nila ng ama na maghiganti sa mga Olivario.

Ang pamilyang pinaniniwalaan nila na sangkot sa pagkamatay ng kanilang ina.

Sa kanilang dalawa ni Greco ay si Hasna ang mas malapit sa kanilang ina kung kaya't ganoon na lamang kasakit para sa kaniya ang pagkamatay nito. Galit na galit siya sa mag-asawang Henry at Dayana Olivario kaya ipinangako niya sa sarili na pasasakitan niya ang apat na anak ng mga ito, sina Vandro, Lucifer, Alaric at Yvo.

Sa bawat plano niya ng paghihiganti ay palagi niyang kasama ang kapatid na si Greco. Sobrang lapit nila sa isa't isa at minsan ay may pagkakataon na nalilito siya sa damdamin niya. Hindi rin niya maipaliwanag ang dahilan kung bakit.

Hanggang sa isang lihim ang mabubunyag na matagal ng itinatago ng kanilang ama. Paano niya kaya haharapin ang katotohanan kung malaman niyang hindi niya tunay na kapatid si Greco, at isa pala itong Olivario?