Baby Natin, Kunwari

Kakagising lang ni Arkin, ni hindi pa siya tapos humigop ng kape nang may kumatok sa pinto niya— ang kapitbahay niyang masungit at manang na si Reema.

"Anak mo, naligaw sa pinto ko," anang bungad nito sa kaniya nang pagbuksan niya ng pinto.

Hindi pa man nag-sink in sa kaniya ang sinabi nito ay pinasok na ng babae ang baby stroller sa loob ng bahay niya.

"What the hell?"

"Anak mo nga."

"A—Anak...?"

"Congrats, tatay ka na pala!"

Siya? Tatay na? Sumumpa man siya na ang lahat ng babae na dadaan sa palad niya ay paiiyakin na niya, wala naman sa plano niya ang anak!

Ang ending, napilitan silang akuin ang bata. Naalala kasi niyang kailangan nga pala niyang mag-asawa upang makuha na niya ang naka-freeze niyang mana mula sa kaniyang namayapang abuelo. Mana na makukuha lamang niya 'pag nag-asawa na siya...

Maisahan kaya nila si Doña Matilde? Gayong alam nila ni Reema na sa dulo nito ay kailangan pa rin nilang ibalik ang bata sa tunay na mga magulang nito...