Just Maid for Triplets

Blurb of 1st story: Jasper & Bebeng

Isinukat lang ni Bebeng ang singsing dahil hindi naman niya maaaring labhan ang pantalon nang naroon 'yon, kung bakit hindi na 'yon natanggal sa kaniyang daliri. Kung mamalasin nga naman siya.

Ang siste, nagalit sa kaniya ang amo niyang si Jasper— isinama siya sa kahit saan 'to magpunta— kahit pa nga sa banyo!

Hangga't hindi raw 'yon naaalis sa daliri niya ay mananatili sila sa gano'ng set up. Maaari ba naman 'yon?

Pero maaari nga yata, dahil kilala ang mga San Martinez bilang pamilya na malalakas ang topak...

Blurb of 2nd story: Jorev and Tangerine

Sa araw mismo ng kasal na dapat ay magaganap nang walang permiso niya ay tumakas si Tang. Umangkas siya sa kauna-unahang sasakyan na napahinto niya.

Ang siste, ang driver pala ng naangkasan niyang sasakyan ay si Jorev San Martinez, kilalang malakas ang topak sa buong lalawigan nila. Hayun, na-sample-an siya ng topak nito nang mag-demand 'to na maging katulong nito bilang kabayaran daw sa pagtulong sa kaniya!

Naloko na, ang pagkakaalam niya ay kaya nga walang magtagal na katulong dito dahil sa malala na ang topak nito sa lahat ng San Martinez...

Blurb 3rd story: Jio & Ces

Ginawa ni Ces ang lahat upang makapasok siya sa mundo ng mga San Martinez dahil may nakapagsabi sa kaniya na isang katulong ng kilalang angkan ang kapatid niya na kaniyang naiwala noon sa palengke.

Ang siste, magiging solong maid pala siya ni Jio.

Paano niya hahanapin ang nawawala niyang kapatid kung gayong hindi naman pala siya sa mansion ng mga San Martinez natoka bilang maid?

At bakit tila sa pagtagal ng paninilbihan niya kay Jio ay nakalimutan na niya ang misyon niya na may koneksyon sa pamilya nito...

Unti-unti na kasi niyang nagugustuhan ang pakiramdam na hindi umuubra sa sarili niyang sumpong ang usap-usapin na temper ng mga San Martinez...