𝗖𝗛𝗔𝗣𝗧𝗘𝗥 𝗧𝗛𝗥𝗘𝗘
MARGAUX ERISH P. O. V
ISANG normal na araw lang naman ang araw na ito para sa iba. Pero para sa akin, espesiyal ang araw na ito dahil.....
"MARGAUX LUMABAS NA ANG RESULT NG FINAL EXAM LAST YEAR!!!"
Mabilis na nagsilabasan ng classroom ang mga kaklase namin, para tingnan ang result na ipapaskil ng Principal sa Buletine Board na nasa hallway.
Hindi naman na ako nag-abala pang tumayo at makipagsiksikan sa daan-daang estudyante na dadagsa doon.
"Nakuha mo?" tanong ko.
Ngiting tagumpay ang isinagot nya sa akin. "Ofcourse, My dear Bespren!" Naupo siya sa upuang nasa unahan ko pagkatapos ay inabot sa akin ang phone nya.
Napangiti naman ako ng makita ang listahan ng mga nakapasa sa final exam.
Every year ay nagsasagawa ang lahat ng FINAL EXAM na kung saan gagamitin iyon sa susunod na pasukan para maghanap ng ipapatransfer ng section.
Gets?
Kung hindi, problema nyo na 'yon. CHARR! HAHAHA!
Bago matapos ang pasukan ay may final exam pa, diba? Bukod pa 'yon sa final exam na sinasabi ko. Ang final exam na tinutukoy ko ay basehan kung mananatili ka ba sa section mo, o maililipat ka sa higher section. At ang result ng exam na iyon ay sa susunod na pasukan ilalabas, dahil iyon din ang araw na pipili ang Dean ng ipapalipat ng section. Kung mataas ang marka mo, maaaring mapunta ka sa Star Section, na kung saan naroroon ang matatalino at magagaling na students.
At higit sa lahat naroroon ang HUBBY KO!
Pero...
... pili lamang ang nakakapasok doon.
May tatlong section ang bawat level. So, it means ang first year ay may tatlong section hanggang sa fourth year. Bale 12 sections lahat meron ang Eastwood High. Wala pa silang Senior High dahil kasama ang S. H sa Westwood University kung nasaan ang College.
Ang Eastwood at Westwood ay sisterhood school. At sa sobrang lawak ng dalawang school na ito para na kaming nasa isang private island na tanging mga estudyante lang ang makakapasok.
Magkatabi ang Highschool at College at isang tulay na gawa sa bakal at semento lamang ang nagdudugtong sa dalawa upang makapunta sa kabila.
Kung naiimagine nyo, sobrang ganda nya.
Matayog na gusali na para bang nasa Medieval period ka pa. Tila isang private school na mga elites lamang ang makakapag enroll.
Pinagmasdan kong mabuti ang list at hinanap agad ang name ni Glen. Hindi naman ako agad natagalang hanapin dahil nasa kauna-unahang numero lang naman iyon.
"No wonder why he's in the Star Section. Mukhang kahit yata hindi na sya magreview ay makakapasa pa rin sya."
"Si Glen talaga ang una mong hinanap noh?"
"Ofcourse! Sya naman talaga ang dahilan kung bakit ako nagpursige sa pagrereview last year eh."
"Kaloka ka talaga! Bilib na talaga ako sa fighting spirit na meron ka, bespren. Ikaw na!"
"Naman!"
"Hindi mo ba hahanapin ang pangalan mo?" May ngiting nakapaskil sa kanyang labi nang tingnan ko sya. Agad na tumaas ang kilay ko.
"What do you mean?! I mean... I'm not expecting that mapapasama ako sa—"
"Why don't you check your name first?!"
Kahit naguguluhan ay hinanap ko pa rin ang pangalan ko sa listahan.
Santanilla....
Santanilla, Margaux Erish.... AYOOONNNN!
"FOUND IT!" Bulalas ko.
Nasa pang number 5 lang naman iyon at... at... W-WHAT??? NUMBER 5???
Binalikan ko ulit ang list dahil baka pinaglalaruan lang ako ng aking mga mata, pero ilang beses ko na kinisot iyon at gano'n pa rin ang nakikita ko.
Nakasulat sa number five ang pangalan ko...
... at isa lang ang ibig sabihin niyon.
"OMGGGGG! BESPREN NAPASA KO ANG EXAM. NASA TOP 5 AKKOOO. KYAAHHHH! AT MAY CHANCE NA MAPASAMA AKO SA MGA ILILIPAT NG SECTION. KYYAAAHHHH!"
Nagsisisigaw ako sa tuwa. Nayakap ko pa nga si Ella tapos sabay kaming nagtatalon habang magkaharap sa isa't isa. Kung may makakakita lamang samin ngayon, mapagkakamalan kaming mga baliw.
Baliw naman talaga ako...
... sa KANYA! Char!
Sobra sobrang kagalakan ang nararamdaman ko sa mga oras na ito.
"Told you!!! Congratulations besprennnnnn!"
"Salamat bespren!!!"
"Okay na ako rito sa Gold Section. Sabi nga nila, STAY GOLD~~ BWAHAHAHAHAHAHA!"
Natawa ako dahil kinanta pa talaga nya 'yung song ng Bangtan.
"Sira ka talaga."
"Pero... Baka naman kapag nandoon ka na malimutan mo na ako dahil magkakaroon ka na ng new friends." May bahid ng pagtatampo sa boses nya.
Ngumiti ako bago ko sya inakbayan.
"Alam mo... Ikaw lang ang nag-iisang bespren ko. Mas gusto ko pa ng babasaging gamit kaysa sa mga plastic noh?!"
Pinalo nya ako sa braso bago magtakip ng dalawang palad sa mukha.
"Enebeee! Ekem eh. Penepekeleg me eke bespren. Ehe!"
"WALANGHIYA KA! Pabebe pa! Kapapanood mo yan kay Yaya Dub."
Pareho kaming napatingin ni Ella sa mga kaklase naming nagsipasukan sa loob ng room. Kasunod nila ang adviser ng Star Section na si Mrs. Climente.
"Good morning Class B!"
"Good morning Mrs. Climente!"
"Alam naman na siguro ninyo kung bakit ako naririto, diba?"
"Yes po!"
"Kung gano'on ay nakita na rin ninyo ang result ng exam last year."
"Yes po!"
"Hindi ko na patatagalin pa dahil ngayong araw din lilipat ng Star Section ang mga napili ng Principal, pati na rin ng Third year Advicers. So, handa na ba kayo?"
"YES MRS. CLIMENTE!"
"Tatlo ang napili para lumipat ng Star Section. Ang tatlong ito ay napabilang sa Top 10 Qualifiers. Apat pa rin ang nanatili sa kanilang section which is Star Section at spot sa Top 10. Ang tatlo ay mula sa Class C at ang tatlo ay nagmula rito sa klase ninyo."
Lahat kasi ng mga students na napapasama sa Top ay nabibigyan ng oppurtunity na mapabilang sa Class A at iyon nga ay ang Star Section, lalo na kung galing ka sa dalawang Section which is Class B at Class C.
"Ang tatlong students na tatawagin ko ay magsitayo at kunin na ang inyong mga gamit dahil lilipat na kayo sa Class A."
Dinaga ako ng kaba.
'OH MY GOSH! Eto na 'yun...'
"Andrie Enriquez."
Nagpalakpakan naman kaming lahat ng tawagin ni Ma'am si Andrie.
Naks! Expired—I mean inspired ang isang ito. Dati kasi ay talagang maloko at hindi pala-aral si Andrie, pero ngayon, tingnan mo nga naman. Napabilang sya sa Top 10.
"Congrats Pareng Andrie! Malaya ka na. HAHAHAHA!" pagbibiro ng isang kabarkada nito.
"Ogag! Magsipag ka kasi ng may pakinabang ka naman sa mundo," tumatawang sagot ni Andrie. Tinaasan lang sya ng middle finger ng kabarkada.
See? Mga siraulo yan dito sa klase namin. Pero mababait naman ang mga iyan.
"Next is... Camille Baretto."
Nagpalakpakan kaming lahat. Si Camille ay isa sa mga estudyante dito sa Eastwood High na tinatawag nilang nerd, geek or bookworm.
Palagi kasi itong nasa library para magbasa. Matalino din ito pero hindi ko lang talaga alam kung bakit mas pinili nyang manatili sa Class B.
"And last but not the least, Margaux Erish Santanilla."
"HOOOHOOOOOOOHHHH!"
"SANTANILLA! SANTANILLA!"
"BESPREN KO YANNNN!"
Natawa na lang ako sa kanilang reaction ng tawagin ang pangalan ko.
Kahit na iba-iba kami ng hilig at mga pag-uugali, sa mga kalokohan at mga pagsubok na dumating sa klase namin, nagkakaisa kaming lahat. Gano'n ang tunay na magkakaibigan na nabuo namin sa dalawang taong magkakasama. Para sa'kin Class B pa rin ang Dabest dahil sila, kilala ko na at subok ko na ang mga ugali.
Binigyan kami ni Mrs, Climente ng time para mag-ayos ng mga gamit na dadalhin namin.
Sabi nila mataas ang trato ng lahat pagdating sa mga estudyanteng nasa Class A. Mas maganda at kompleto lahat ng gamit na meron sila at mga kakailanganin pa.
Hindi naman ako naniniwala dahil pantay-pantay lang naman ang trato sa bawat students dito.
Siguro ay mga students lang ang nag-iisip niyon dahil nasa mataas na level ang mga ito. Pero para sa'kin, kung ano kami ay ganoon din sila.
"Sabay tayong mag lunch mamaya ah!" pahabol pa ni Ella sa akin pagkalabas namin ng room.
"Oo! Hintayin mo na lang ako sa dating pwesto."
"Orayt!!"
Nilisan naming tatlo ang Class B at saka kami nagtungo sa third floor ng building na ito dahil naroroon ang classroom ng Class A. Lahat ng Class A simula 1st year hanggang 4th year ay naroroon.
Nasa pangalawang palapag naman ang Class B at Class C sa first floor. Then ang nasa ibaba ng first floor ay ang Main Hall, na kung saan kami nag tatambay kapag walang klase. Naroroon rin ang Principal's Office, SSG Office at Teacher's Office.
Dalawang matataas na building meron ang Eastwood High. Isang malaking gym naman ang katabi ng kabilang building. Cafeteria ang naroroon sa unang palapag ng kabilang building. Sa itaas niyon ay mga rooms na pinagdaraosan ng bawat clubs, meetings at iba pa. Naroroon din ang Auditorium, Library, Laboratory at iba pang important rooms.
Agad naman naming nakita ang classroom ng 3rd Year, Class A.
Nakasarado ang pintuan pati na rin ang mga kurtina ay nakababa, na hindi naman malimit mangyari. O baka nagkataon lang talaga. Kapag kasi may klase na ay nakasarado ang mga pinto ng bawat rooms para walang istorbo.
Hindi muna agad kami kumatok para pumasok sa loob. Nagkatinginan kaming tatlo.
"Nagsisimula na ba ang klase?" pagtatanong ni Andrie.
"Nasa office pa si Mrs. Climente at ang iba pang teachers," sagot ni Camille.
Tumaas ang isa kong kilay. Pinakiramdaman ko ang buong paligid. Maingay at magulo ang tatlong rooms na nadaanan namin, but this one?
I smell something not good!
"H'wag muna tayong pumasok. May kakaiba akong nararamdaman," wika ko.
"Bakit? May multo ba sa loob?" takang tanong ni Andrie. Tiningnan naman namin sya ni Camille ng masama.
Gague!
"Anong multo? Sira! What I mean is may kakaibang nangyayari sa loob. Yung parang sa mga palabas."
"Ayan! Kakapanood nyo yan ng Kdrama eh. Kung anu-anong pinag-iisip nyo."
Akmang bubuksan na sana nya ang pinto nang mabilis na napigilan ko ang kamay nya.
"TABI!!!"
Mabilis namang gumilid sya. Umabante ako para sipain ang pinto at gano'on na lang ang gulat ng mga nasa loob.
At sa pagbukas ng pinto ay nahulog mula sa itaas nito ang isang baldeng harina. Kumalat iyon at dahil mahangin sa labas ay sa loob iyon dumiretso.
"AAAHHHHHHH!"
"ANO BA YANNN!"
Reklamo ng mga ito.
Mabilis na nagsialisan ang mga nakaupo sa unahang bahagi para maiwasan ang nagliparang harina.
"W-WHAT THE??!" Gulat na bulalas ni Andrie.
PSH! Pa welcome ba nila iyan sa amin? What a lame tricks, hah!
Harina talaga? Akong gusto nilang mangyari samin? Maging espasol sa puti? Hindi pa naman ako nangingitim para magpaputi pa.
Sakto namang dumating na sa wakas si Mrs. Climente kasama ang tatlong makakasama namin sa paglipat dito.
Gulat na napatingin ang guro sa nagkalat na harina sa semento. Pagkatapos ay galit na tumingin ito sa buong klase na bakas ang takot sa mga mukha—maliban lang pala sa isang lalaking nakapikit habang nakahalukipkip.
Para itong walang pake kung anong nangyayari sa paligid nya.
'Haistt! Ang gwapo talaga ng Hubby ko. Masungit nga lang.'
"CLASS A—SINO ANG MAY PAKANA NITOOOOOO??" Malakas na sigaw ni Mrs. Climente.
Wala namang nagsalita para umamin.
Sino ba naman kasi ang aamin sa kasalanang ginawa nito lalo na at may kalakip na parusa.
"Kapag nalaman ko kung sino ang gumawa nito, magkakaalaman tayo," may babalang wika ni Mrs. Climente. "Go back to your proper seats!"
Pumasok na si Mrs. Climente kaya sumunod na rin kaming anim sa kanila.
Nasa ayos lahat ng mga gamit sa loob ng kwarto, katulad ng palagi kong nakikita kapag pumupunta kami ni Ella dito. H'wag na lang natin isama ang nagkalat na harina sa semento. All in all ay halatang Class A talaga ang naririto.
"Class, sila ang mga bago nyong classmates. Be good to them, kay?!"
"YES, MA'AM!"
Pakiramdam ko tuloy ay para kaming mga bata. Batang pasaway na dapat disiplinahin ng kanilang magulang. HAHAHA!!!
"Kailangan nyo pa bang magpakilala? Dalawang taon na kayo dito, nakakasawa na pagmumukha nyo eh. Kaya malamang ay kilala na kayo ng mga taga Class A, right?!"
"Kilala na po namin sila, Mrs!"
"Oo nga po eh. No need to introduce themselves."
"Lalo na si Erish. Kilalang kilala na po talaga namin sya."
Napatingin ako sa lalaking nagsabi niyon. Nakangisi ito sabay kindat sa akin. Kilalang kilala ko ang lalaking iyan dahil matalik na kaibigan lang naman po sya ng Hubby ko.
No other than Zander the monggo—loid.
Inirapan ko naman ito. Asarrrr! Papansin ang monggo. AMP!
At sa paglingon ko sa lalaking nasa kabilang gilid nya ay gano'n na lang ang pagkagulat ko.
Kulay abong mga mata na kung tumitig ay para bang nilulunod ka sa malalim nitong tingin. Mga matang sobrang sarap titigan but at the same time ay nakakakilabot din dahil napakalamig nito.
Normal na tingin lamang iyon, pero iba ang dating sa akin. Napakapit ako sa aking dibdib dahil sa mabilis na pagtahip nito dahil sa lalaking mataimtim na nakatitig sa akin ngayon.
Walang emosyon ngunit nagpapabilis pa rin ng tibok ng puso ko.