Chapter 24: In His Arms Again

Nakangiting pumuwesto si Lisa sa stage ng The Sanctuary sa Rosario, ang paborito niyang branch. Regular na singer na siya roon tuwing Biyernes. Nagsimula na siya bilang operations manager ng kanilang kumpanya. Ang daddy niya naman ang muling naging CEO para makapag-focus ang kanyang Kuya Leandro sa pagiging asawa at ama nito at pagganap sa tungkulin nito bilang gobernador. Tuwing Biyernes ng hapon ay maaga siyang nag-la-logout sa opisina nang isang oras para maagang makarating sa restobar na iyon. Nagsimula nang tumipa sa gitara ang kaibigan niyang si Rex. Eighties and nineties sweet songs ang theme nila sa gabing iyon.

“I dedicate this song to the most gorgeous man in my life.” Hindi niya na ito ipinakilala, pasimple lang siyang tumingin dito at kumindat. "People say that you're no good for me. People say it constantly. I hear it said so much, I repeat it in my sleep. Maybe I am just a fool for you. Maybe you're no angel, too. But all that talk is cheap when I'm alone with you. If love is blind, I'll find my way with you 'cause I can't see myself I'm not in love with you. If love is blind, I'll find my way with you.” Nang matapos siya ay malakas na sumipol pa si Rex sa kanya saka napahagalpak ng tawa. Alam na alam naman nitong si Alessandro ang kinakantahan niya. Pinandilatan niya ito pero lalo lang itong natawa. Kumaway pa ito sa boyfriend niya habang sumesenyas ng kiss. Nakangiti lang ang boyfriend niya at napapailing na lang pero tumayo pa rin ito at umakyat sa stage.

Umakbay lang ito sa kanya at naghiyawan ang mga tao. Malamang ay kilala ito ng mga ito kahit hindi celebrity dahil sa ex-fiance nitong feeling popular. “Love na love talaga ako ng baby ko,” malambing na sabi nito saka siya niyakap nang mahigpit.

“Huy PDA na iyan,” sigaw ni Rex habang tumatawa. Ganoon din ang ibang kabanda nito. Ang mga staff naman niya ay napahinto na sa ginagawa at parang nanood na lang ng teleserye lalo na ang mga babae na kilig na kilig pa saka sumigaw ng kiss.

“Kiss daw muna, baby,” nakangising sabi ni Alessandro.

“Ang gwapo,” wala sa loob na sabi niya. Hindi niya pa ring maiwasang ma-starstruck sa lalaki. Malakas na tumawa lang ito saka siya dinampian ng halik sa mga labi.

“Sing for me again, baby,” anito at niyakap siya mula sa likod.

“Baba ka na muna,” saway niya rito pero nakangiting umiling lang ito at lalo pa siyang niyakap. “Nakakailang kaya!” Pinandilatan niya rin ito pero umungol lang ito ng protesta habang isinisiksik ang mukha sa balikat niya. Napabuntung-hininga na lang siya. Matured na ito pero kung makaakto ay parang teenager lang. Hindi naman ito dating ganoon. Iwas na iwas nga ito dati na makita silang sweet hanggang may mangyari sa kanila sa gabi ng JS niya. Mas naging sweet pa tuloy ito lalo. Hindi pa rin talaga siya makapaniwala na naroon ito at nakayakap sa kanya at pinipilit ang sariling magpasakop sa kanya. She was more than satisfied. “Sorry people, this handsome man doesn’t want to go back to his seat. I dedicate the next song to him again. Ang pogi mo talaga,” bulong niya rito. Napangiti na siya nang tugtugin ng mga ito ang If Ever You’re In My Arms Again.

Pagdating sa chorus ay inagaw nito ang mic. “If ever you’re in my arms again, this time I’ll love you much better. If ever you’re in my arms again, this time I’ll hold you forever…” Wala itong pakialam kahit sintunado pa ito. Napanganga na siya nang bigla itong lumuhod. “My pretty girlfriend, will you marry your handsome boyfriend.”

“Les…”

“I’ll ask you again. Will you be Mrs. Borromeo?”

“Y-yes,” sabi niya habang nag-uunahan sa pagpatak ang mga luha niya.

“Say it again please.”

“Yes! Yes! Yes, baby ko,” malakas na sabi niya. Muling naghiyawan ang audience. Si Rex naman ay napatayo at napasuntok pa sa ere. Ang mga staff niya ay malapad ang pagkakangiti at parang may puso na ang mga mata. Masarap sa pakiramdam na maraming tao ang nakikisalo sa kasiyahan nila. Pagkatapos ng saglit na commercial ay kumanta pa siya ng isa habang ito ay nanatiling nakayakap lang sa likod niya. Hindi na siya nagpa-demure pa. Suot na niya ang isang platinum engagement ring na kumikinang pa sa liwanag.

Pagbaba nila sa stage ay sinalubong sila ng mga staff niya. Saglit lang siyang nagbilin sa mga ito bago siya kumaway sa kaibigan niyang si Rex at lumabas sa backdoor. Nang makarating sa parking lot ay walang babalang isinandal na siya nito sa kotse niya at siniil nang isang maalab na halik. Tumagal pa iyon at naging mas mapusok hanggang habol ang hiningang naghiwalay sila. “I still can’t believe how stupid I was to make you cry and let you go. Now, I’m asking myself how I survived the past decade without you. You hold my heart, baby.”

“A-are y-you telling me you love me, too?”

“That’s a given. Matagal na.”

“B-bakit hindi mo kasi sinabi?”

“Don’t you feel it?” Itinapat nito ang isa niyang kamay sa puso nito.

“Say it please.”

Lumayo muna ito bago sumigaw. “I love you, Maria Lisa Lagdameo. Mahal na mahal kita mula noon hanggang ngayon.”

“Hoy! Nakakabulahaw kayo!” Paglingon niya ay nakatayo sa ‘di kalayuan si Donatello kasama ang Kuya Leandro niya at iba pang kaibigan ng mga ito.

“Putsa, Donat, istorbo ka talaga,” sabi ni Jaime.

“So gay,” nakangising sabi ng Kuya Lucas niya na ikinatawa ng mga ito.

Si Alessandro ay napahilamos na lang sa mukha na halatang napipikon pero natatawa sa mga ito. “‘Tol,” sabi ni Alessandro pagkalipas ng ilang saglit habang nakatingin kay Leandro.

“No problem,” sabi ni Leandro na ngumiti na. “As long as you love my sister, you have my permission.”

“Thank you, ‘Tol, love you,” sabi ni Alessandro.

“Love you din, ‘Tol,” natatawang sabi ni Leandro.

“Putsa! Kadiri niyo. Now, that’s gay,” sabi muli ni Lucas. Hindi ito gaanong mapang-asar katulad nina Donatello at Alessandro pero mukhang ito ang pumalit sa fiance niya.

“Kapag ikaw ang na-in love, magiging ganito ka rin,” proud na sabi pa ni Alessandro bago siya muling siniil ng halik na tumagal pa ng ilang segundo. Nang tumikhim ang mga kaibigan nito ay saka lang sila naghiwalay.

“‘Tol, alam kong magpapakasal na kayo ni Lisa pero kapatid ko pa rin iyan. Nakakaasiwa,” nakangiwing sabi ng Kuya Leandro niya.

“Umuwi na nga kayo, Kuya! Istorbo kayo,” biro niya sa mga ito.

“Oo nga, ‘Tol. Mamaya biglang mag-labor si Tiff. Next week na ang due date eh,” sabi naman ni Isaac na kinamayan lang si Alessandro at ginulo ang buhok niya na parang bata bago sumakay sa kotse nito. “Uuwi na ako. Hanap na ako ng misis ko,” nakangiting sabi nito. Hindi na ito madamot sa ngiti mula nang magpakasal at maging tatay ito.

“Uuwi na rin ako,” sabi ni Leandro at nakipagkamay din kay Alessandro at niyakap siya. “Lisa, umuwi ka ngayon sa bahay para alam nina Daddy at Mommy.”

“Okay.” Nang magsialisan ang makukulit na kaibigan nito ay saka niya muling hinarap si Alessandro. “Istorbo sila sa atin. Sabihin mo naman ulit iyon, Les.”

“I love you, baby.”

“Yehey,” nakangiting sabi niya at muling pumatak ang mga luha niya.

“Iyakin talaga ang bulinggit na ‘to,” nakangiting sabi nito habang pinupunasan ang mga luha niya saka siya niyakap nang mahigpit. “Pahalik nga ulit Mrs. Maria Lisa Lagdameo-Borromeo,” anito at muling naghinang ang kanilang mga labi.

“Fourteen years kong hinintay iyang marinig, Alessandro, kaya masaya ako. I love you. I love you. I love you. Mahal na mahal na mahal kita,” aniya habang pinapaliguan ng halik ang buong mukha nito.