Chapter 16: After All

Maghapon lang sa suite niya si Lisa. Pangatlong araw na nila ng pamilya niya sa Santuario at wala siyang ganang makihalubilo sa mga tao. Pumatak na naman ang mga luha niya. “Ikakasal na siya.” Mukha siyang ewan na kinakausap ang sarili. Pinipilit niyang isiksik na lang sa sarili na nasasaktan lang ang ego niya dahil nauna pa itong mag-asawa sa kanya. Okay lang siguro iyon dahil pitong taon ang tanda nito sa kanya. Naalala niya pa ang sinabi niyang ito ang maghahabol sa kanya pagdating niya ng twenty-five. Hayun isang taon nang late ang banta niya pero walang Alessandro na lumapit at nagmakaawa sa kanyang balikan ito. Siya namang gaga ay tahimik na lumuluha. Naintindihan na niya ang pakiramdam ng bestfriend ng hipag niyang si Dorothy nang pakasalan ng bestfriend ng kuya niyang si Jaime ang dating asawa nito. Kawawa talaga ang mga iniiwan at hindi pinipili. Sa kanila ni Alessandro, siya ang nang-iwan pero wala siyang choice. Mas tamang sabihing bumitaw siya pero hanggang sa huli ay siya ang kawawa. Nainis siya sa sarili. Hindi dapat siya magmukhang kawawa. Napangiti na lang din siya.

Naligo na siya at nag-ayos ng sarili. Naglagay na siya ng manipis na makeup at hayun pwede na siyang idikit sa mga magagandang angels ng Victoria’s Secret. Nag-selfie siya at natuwa naman siya sa kinalabasan. In-upload niya ito sa kanyang Instagram na nakakuha agad ng maraming hearts. Nagdesisyon na siyang magkaroon ng kanyang bagong account sa dating apps. Nang makumpleto ang profile at malagyan ng profile picture ay in-off na niya ang data. Pupunta na lang din muna siya sa hotel. Pero habang nagmamaneho na siya saka din niya namalayang papunta siya sa isa sa mga restobar ng Santuario. Pag-aari din ng pamilya niya iyon. Pagtingin niya ay nineties pop ang theme. Hindi naman din alangan ang suot niya kaya pumasok na siya. Gutom na gutom na rin siya kaya ginawa niyang restaurant iyon at umorder ng hapunan niya. Mamaya na siya iinom ng alak. Saktong pagkatapos niyang kumain ay nagsimulang magdatingan ang mga tao. Nakisali na siya sa kasiyahan at uminom nang uminom ng tequila.

Maya-maya ay narinig niyang tinawag siya ng banda. Nagulat pa siya nang makitang si Rex ang bokalista kaya wala siyang pakialam na nagtititli doon. Yumakap pa siya dito pag-akyat ng stage. “Hoy, pare, kumusta na,” bati nito na nakatapat pa sa mic. “Ladies and gentlemen, this beautiful lady here is one of my best buddies and the sister of Governor Leandro Lagdameo. Kumanta ka nga, namiss na namin ang boses mo,” natatawang sabi nito at sumigaw ang audience ng sample. Pinagbigyan niya naman ito “Metallica ba o Nirvana?”

“Loko, nineties pop ang theme. Kikay na kikay na ako, mag-S Club 7 tayo.” Tawa ito nang tawa dahil hindi ito makapaniwala sa sinabi niya kahit paminsan-minsan ay tumutugtog sila niyon. May garage band kasi ito at nakikisali sila ni Christian. “Pwede ba iyung Have You Ever?” Nakangiting tumango lang ito at sinabihan ang mga kabanda. Maya-maya ay narinig niya na ang intro kaya natuwa siya. “Sometimes it's wrong to walk away, though you think it's over, knowing there's so much more to say. Suddenly the moment's gone, and all your dreams are upside down. And you just wanna change the way the world goes 'round. Tell me have you ever loved and lost somebody? Wish there was a chance to say I'm sorry. Can't you see? That's the way I feel about you and me, baby. Have you ever felt your heart was breaking? Lookin' down the road you should be taking. I should know ‘cause I loved and lost the day I let you go.” Habang kinakanta niya iyon ay bumalik sa kanyang alaala ang heartbreak niya. The song was right that she had loved and lost the day she let him go.

“Ang lungkot naman niyon, pare,” seryosong sabi nito. “Isa pang kanta oh. Pagbigyan mo na ako. Nagsasawa rin akong maging bokalista lang lagi eh. Limang set naman ito. Kunin mo iyung tatlo.”

“Ang kapal mo ha! Bayaran mo ako ha.”

“Sige na oh, tingnan mo iyung mga tao,” anito at itinuro ang audience na sabay-sabay sumisigaw ng isa pa. Para tuloy siyang naging instant celebrity sa Santuario de Santiago.

“Sige, tugtugin niyo iyung Insensitive saka iyung Foolish Games pagkatapos.”

“Bakit ba puro pang-heartbreak iyung gusto mo? Mukhang alam ko na,” anito at ngumisi.

“Wala kang alam. Tigilan mo ako, Rex ha. Bababa na ako dito,” aniya. Tumawa lang ito at nagsimula na ring tumugtog. Pagkatapos niyang kumanta ay malalakas na tilian mula sa mga babae ang narinig niya na parang naging idol siya. Pero nang magsimulang kumanta si Rex ay lalong naging riot doon. Binanatan ba naman nito ng I Remember You ng Skid Row at November Rain ng Guns N’ Roses. Umupo na lang siya sa bar sa gilid at nag-request ng isang shot ng tequilla.

“Nice set, baby,” sabi ng boses ng lalaking bumulong sa kanya. Damang-dama niya ang labi nito sa pisngi niya.

Naningkit ang mga mata niyang tiningnan ang talipandas na si Alessandro. Ikakasal na ito ay nakuha pang makipag-harutan. Alam na alam niya na ang kalibre nito at huwag na itong mag-deny pa sa kanya dahil hindi siya feelingera. “Lumayas ka dito, masamang nilalang kung ayaw mong ibuhos ko itong tequilla sa ‘yo at makatikim na naman ng sampal.”

“Aww, my baby hates me that much,” nakangiting sabi nito. Hindi ito nakangisi nang nakakaloko para bang aliw na aliw lang itong inisin siya at siya namang patola ay mabilis pa ring mapikon. “Ang bilis mo pa ring mainis, bulinggit,” anito at pinaggigilan ang pisngi niya saka siya mabilis na dinampian ng halik sa mga labi.

“Hoy ang kapal mo,” nanggigigil na sabi niya at isang right hook ang ibinigay niya na tumama rito. Sapul ito mata at nakita niyang nagkaroon ng pasa ang ilalim ng mata nito.

“Aww,” bulong nito na parang nasaktan.

“Naku, sorry. Ikaw naman kasi eh. Ang kulit mo.”

“Ang sakit talaga,” anito at dahan-dahang tumayo.

“Nakakainis ka kasi eh,” sisi niya rito pero nag-alala siya. “Halika muna sa bahay mo. Ihahatid kita,” aniya at hinila ito palabas ng bar. DInala na niya ito sa kotse niya at pinasakay ito pero ito ang nagpilit na mag-drive kaya wala siyang nagawa. Pagdating sa Pueblo ay nalaman niyang nasa pinakadulo pala ang bahay nito. Walang mga kotse doon kaya marahil ay ito lang ang may-ari na naroon. Inalalayan pa siya nitong makababa. Pagpasok sa bahay ay pinaupo niya na ito at nagmamadali siyang kumuha ng ice pack para ilapat dito.

Pagbalik niya ay nakaupo lang ito sa couch at nakatingala. “Pasensya ka na ha,” malambing na sabi nito at tumingin sa kanya na may tipid na ngiti.

“Hayaan mo na,” aniya. Para bang nalusaw agad nito ang lahat ng pagtatampo at inis niya rito na napalitan ng mainit na pakiramdam na humaplos sa kanyang puso. She missed his tender smile. That was the way he smiled at her the first time he brought her to the hill and ate the cookies she baked for him. Hindi na siya makatingin dito habang nilalapatan ng ice pack ang black eye nito.

“Dalawang beses na akong nagkapasa sa ‘yo. Ibang klase ka talaga,” natatawang sabi nito.

“Sorry,” aniya at napayuko.

“It’s okay. Look at me baby.”

“B-babalik na lang muna ako sa hotel,” aniya at nakayukong inilagay sa kamay nito ang ice pack. Tatayo na siya pero muli siya nitong hinila kaya napasandal siya sa couch. Dahil nakasampay doon ang isang braso nito sa sandalan ay agad siyang nakulong doon nang pumulupot iyon sa kanya. “L-Les,” aniya nang itaas nito ang mukha niya at agad lumapat ang mga labi nito sa kanya. She wanted to cry. It has been more than a decade since she had last felt and tasted his lips. The kiss was full of urgency. It was deep, hot, and wet. He did not have to wait long because her body had an immediate reaction. She responded to him and clung to him as if her life depended on him. Moments later she was already sitting astride him. Nakakulong sa mga kamay niya ang mukha nito habang patuloy itong hinahalikan. Nang kumawala ito ay lalo niyang idiniin ang labi rito at parang sila na ang nagbibigayan ng hangin sa isa’t isa. Habol nila ang hininga nang maghiwalay sila.

“Oh God, I’m alive again,” hinihingal na sabi nito at niyakap siya nang mahigpit. Pinakawalan din siya nito at hinawakan ang magkabilang pisngi niya. “I missed you so much.”

Doon lang siya natauhan. Ang bilis niyang nakalimot. Malapit na itong ikasal at siyang luka-luka ay nagpatangay rito. Para lang siyang mistress at nakipagpalit ng puwesto kay Xylene. Agad na siyang pumiglas at kumawala rito. “That was so wrong. I’m sorry. Pareho lang tayong nadala. Kalimutan na lang din natin ito dahil ikakasal ka na. It’s not a big deal,” aniya at nagmamadali na siyang lumabas ng bahay nito at sumakay sa kotse niya.