Chapter 11

"Hi, anong pangalan mo?" Nakangiti kong tanong sa unang lalaki sa pinakaunang row.

Poker face na nakatingin sya sa akin, bahagya naman akong napanguso, medyo pangit siya kasi meron siyang peklat sa mukha na malaki, tapos mas panget pa siya kasi para na niya akong kakainin ng buhay dahil sa sama ng tingin niya sakin kagaya nung mga ibang kaklase niya.

"Ream Martinez." Kalaunang sabi niya, agad ko itong nilista dahil ang sama sama talaga ng tingin niya sakin.

"Pst ikaw ano pangalan mo?"

"Denver Motto." Agad ko kong nilista ang katabing lalaki ni Ream. Napahagikhik ako dahilan ng pagkabusangot ng mukha niya, ang cute cute niya kasi pink yung ID lace niya na may mukha ng Blackpink tapos singkit din yung mata niya.

Tumuloy tuloy ako at binalewala ko nalang ang masasamang tingin pa din nila, hindi naman sila nagrereview eh, ako pa yung mas gusto nilang tingnan, nakakaakit talaga ako. Mukhang napansin ni Sir na hindi sila nagrereview kaya sinuway niya Ito.

"Hi, name mo?"

"Zander Honde." Napatango naman ako, naalala ko si Zander yung kabit sa pelikulang napanood ko, hihi.

"Ikaw ano name mo?"

"Paulo Dejas." Napaangat naman ako ng tingin dahil hindi ko namalayan na nasa kanya na pala ako magtatanong.

Napanguso ako.

"Hmp." Agad kong nilista ang pangalan niya habang siya ay nakataas kilay na nakatingin lang sakin.

"Hindi ka sasama sa lunch mamaya kami nalang ni Geo!." Pasigaw pero mahina kung saad sa kanya.

Mas lalo namang tumaas ang kilay niya, Hala! Baka matanggal!. "Really? I give you water and saved you remember?" Napairap naman ako, bahagya pa akong naduling kasi medyo lumipad talaga yung eyeballs ko.

"Nyenyenyenyenye." Sinuway niya ako kanina kay Thea eh okay lang naman yung pagsasalita ko kay Thea eh. Iniwan ko na siya doon na nakatingin pa din sa akin.

Nawala tuloy ako sa mood malaman yung pangalan nila hmp.

Hanggang sa dumating na ako kina Thea at Sen. Akmang magtatanong na ako ng inunahan na ako nung lalaking mukhang pating.

"Seran Dake Aviola."

"Hala! Kapangalan mo yung University ah! Galing!" Namamangha kong saad sa pangalan niya. Ang galing kasi kaname niya yung school na to Seran University, siguro nakasanayan lang nila na Sen yung itawag sa kanya.

"Pathetic, tsk." Rinig ko namang salita nung katabi niya.

"Ano—"

"My name is Althea Veronika Quentilla." Pagpuputol nito sa pagtatanong ko. Ang ganda ganda naman ng pangalan niya, kasingganda niya pero hindi nung ugali niya.

Napatingin ako kay Sen bago ko isinulat ang pangalan niya, nakaakbay ang kanang kamay nito kay Thea samantalang ang mga mata naman niya ay nakatutok sa kaliwang kamay niya na may hawak na notebook. Kahit noong sinabi niya yung pangalan niya ay hindi niya man lang ako tinupunan ng tingin.

Bahagya akong nalungkot ng hindi ko alam. Siguro kasi yung iba tinitingnan ako kahit masama Yung mga tingin nila pero siya ay hindi man lang ako tiningnan.

Agad na din akong umalis sa harapan nila dahil pinagtatabuyan na ako ng mga mata ni Thea.

⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀