The Hot Agents ( Book 9: Touch Me If You Dare)

Pinasok ni Wigo Alcantara ang pagiging detective upang may patunayan sa sarili at pamilya. Ngunit ang kasong nahahawakan madalas ay komplikado at ang pagkalalaki ang nakataya. Bukod sa nalagay sa bingit ng kamatayan ang sariling buhay, nakatagpo pa siya ng mala-diyosang babae ngunit amasona ang ugali."Huwag mong sabihing wala nang natitirang matinong kabaro ko, Miss. Isa pa ay normal na ang matukso at tigasan ang isang katulad ko. Bakla nga ay nag-iinit kapag may luto ng langit na nakahain, kami pa kayang normal ang pagkalalaki?" nakangising kontra ni Wigo at may kasamang pamimilosopo sa akusasyon ng babae sa isang tulad niya.Kung pwede lang basagin ang nguso ng lalaking antipatiko ngunit guwapo ay ginawa na ni Rovelyn. Mukha pa itong proud sa mga sinabi nito, at nakalimutan yatang babae pa rin siya kahit nakapandamit panlalaki. Ang akala niya ay hindi na muling magtatagpo ang landas nila ng lalaking detective. Ngunit hindi dininig ang kaniyang dasal. Sa muling pagkikita, makilala kaya siya ng aroganting binata?Magkikita sa maling lugar at magtatagpo sa alanganing sitwasyon. Pag-ibig nga ba ang iiral o paninindigan  para sa kalayaan at pangarap sa sariling kaligayahan?