"You only have 0. Balance in your account. Please reload immediately."
Pati ba naman cellphone Zero balance na? Wala na talagang natira sakin, kundi ang perang mapagkakasya ko sa isang bwan. Isang bwan nga ba? Sapat na ba ang tatlong libo para sa isang bwan? Maaaring oo, maaaring hindi.
Pero sa sitwasyon ko alam kong hindi ito kakasya. Wala na akong magulang, ang tatay ko isang German isa syang kapitan ng barko, nabuntis nya ang nanay ko at pinangakuang babalik pero, wala.
Hindi ko naman magawang magalit sakanya kasi kahit pagbali-baliktarin ang mundo tatay ko parin yun, at may iniwan naman syang bahay samin ni mama pero nung nagkasakit si mama dahil sa trabaho nya kinailangan ko yung ibenta para ibayad sa ospital.
Wala akong matakbuhan sa probinsya dahil itinakwil nila ang nanay ko sa di ko malamang dahilan, kaya eto ako magisa sa mundo.
Umalis na ako sa bahay namin pagkatapos ko itong maibenta humingi ako ng isang bwang palugit para makapaghanda handa. Mabuti nalang at di ako sanay sa marangyang buhay kundi di ko alam kung paano ko ba bubuhayin ang sarili ko ngayon. Ibinenta ko na rin yung cellphone ko sa kapitbahay para dagdag pa sa pera ko na aalis.
Napabuntong hininga nalang ako, bahala na.
Naghahanda na ako ng tutulugan ko dito sa isang parke, wala namang nagsasabing bawal matulog dito. Wag lang may dumaan na mga tarantado!
"Rae, kaya mo yan. Maghanap ka nalang muna ng trabaho saka mo na problemahin ang pagaaral mo." bulong ko sa sarili ko, nagstop ako sa college dahil sa nangyare kay mama, second year Business Administration student ako sa isang pampublikong university, at sana pag ka nagkatrabaho nako matustusan ko ang pagaaral ko, sayang naman yun noh.
Saka turo sakin ng nanay ko na kapag may pinagaralan ka mas magandang posisyon sa trabaho ang mapapasukan ko, kaya kahit nahirapan syang paaralin ako ginawa nya parin ang lahat.
Naglatag na ako ng mga dyaryo at dahil likas ang pagiging bookworm ko nagbasa ako ng mga articles at umaasang may job offer dito.
"Wanted: Yaya, must be 18 years old college student. Single. Apply at Yu's residence #2526 Forbes Homes"
Hinanap ko ang date ng dyaryo, sana bago lang to at napahingang malalim ako ng malamang kahapon lang itong dyaryong hawak ko.
Singkwenta ang pamasahe papuntang forbes, at syempre bago pa man ako magaapply ay makikigamit muna ako sa pampublikong CR para makaligo. Excited na ako para bukas, at sana matanggap ako. Sana!
Pagkatapos kong maligo sa cr bumili ako ng resume sa isang school supplies store, biglang kumalam ang tyan ko. Naalala ko di pa ako kumakain simula kagabi, oo kelangan kong magtipid pero di ko dapat patayin ang sarili ko sa gutom.
Pumunta ako sa isang fastfood chain at umorder ng isang Fried chicken, pagkatapos kong ubusin ay dumiretso ako sa sakayan ng tricycle para pumunta sa forbes.
Pinasadahan ko ng tingin ang suot ko at bumuntong hininga, wala naman sa requirements ang magarang kasuotan kaya siguro pasado na itong simpleng jeans at sleeved shirt.
"Magandang hapon manong, nabasa ko ho na naghahanap po kayo ng aplikante para maging yaya. Gusto ko po sana magapply" sabi ko at tumango naman sya para papasukin ako, namangha agad ako sa harapan palang ng bahay.
Mint green ang labas at pastel pink and mint green ang sa loob, refreshing. Manghang mangha ako sa mga kagamitan ng bahay, simple pero sumisigaw ng karangyaan ang bawat gamit. Nakarinig ako ng takong na bumababa sa hagdan "Oh you must be the applicant, I am Mrs. Yu" sabi nya sabay ngiti.
Maganda si Mrs. Yu sa tingin ko ay nasa early 30's palang sya "Ah oho, nabasa ko ho kasi sa dyaryo na naghahanap daw po kayo ng kasambahay" tumango naman sya sakin at nilapitan ako ibinigay ko ang resume ko at agad nya itong binasa.
"So, Rae? Is it okay with you? I can't recall long names, sabi dito you're living alone so we don't need your parent's consent. Plus you stopped studying so I will send you to Malaya University with my son Trevor, dun din nagaaral yung magiging alaga mo si Ashton but don't worry you only have to send him to his school and you don't have to guard him all day. Your starting salary would be 15, 000 pero month and it will increase depending on how you'll work for us. You understand, Rae?" Napaawang ang labi ko, tanggap na ba ako!? At isa pa pagaaralin daw ako sa Malaya University, ang saya naman nito.
"Tanggap na po ba ako?" tanong ko, mahirap namang magassume baka mamaya may nakikita pala syang di ko nakikita sa likod ko, yay!
She smiled at me and nodded wala sa sariling napayakap ako sakanya and she just tapped my shoulder. "Thankyou po, thankyou po talaga. Kelangang kelangan ko po talaga ng trabaho, wala na po kasi akong magulang" sambit ko and she just nodded.
"Mabuti at makakatulong ako saiyo iha, don't worry ako na din magbibigay ng allowance mo." Sinulyapan nya ang dala kong maleta and she smiled again, palangiti si Mrs. Yu at sa palagay ko ay magiging mabait syang amo "You can occupy the 5th room to the left, sa tabi noon ay ang Kwarto ni Nanay Ana sya ang mayordoma. You can move your things now at sa tingin ko ay dala mo na ang mga gamit mo. You will Meet Ashton and my son Trevor later pag nakauwi na sila. Its nice meeting you Rae, I better get going" and she smiled again and marched her way outside the mansion.
Nilibot ng mga mata ko ang bahay, a family picture caught my attention. Sila Maam at ang kanyang anak at asawa. Si Mr. Yu, mukhang nakita ko na sya somewhere pero hindi ko na maalala.
Omg ang gwapo naman nito, sya ba yung Trevor? Akala mo naman si Adonis sa gwapo, lakas ng dating ang pormahan. Hay, mabait kaya? Baka hindi. Nako wala ka namang pagasa jan Rae, saka ang pinunta mo dito trabaho di ang kumerengkeng. Natawa nalang ako sa sarili ko.
Pinuntahan ko na ang kwarto ko, mas malaki ito kumpara sa kwarto namin ni Elisse sa bahay nila ni Auntie, yung pinsan kong iyon kontrabida sa lahat ng pagkakataon. Sigurado pag nakita nyang kasama ko si Trevor mag eeskandalo yun, pero bat ko nga ba iniisip na magkakasama kami ni Trevor? Hay.
Inayos ko na lahat ng damit ko sa walk in closet, di naman karamihan ang damit ko kasi nagtipid kami buong buhay ko. Wala kaming maaasahang magsusustento samin kundi si Mama lang, at syempre nung nagkasakit sya lahat ng ipon nya nailabas at naipambayad sa ospital. Nasan ba kasi ang tatay ko? Napabuntong hininga nalang ako.
"Hay ang lambot ng kama, panigurado masasarapan ang tulog ko. Pwede ko kayang kainin tong kama na ito na parang marshmallow? Nababaliw ka nanaman Rae, haha" sabi ko habang nakapikit at nakahiga sa kama.
Pero di muna ako umidlip gaya ng plano ko dahil naisipan kong puntahan sila Nanay Ana, mabait sya di tulad ng napapanuod sa mga pelikula na ang mga mayordoma kontrabida.
Pinakain nila ako ng lunch kasama si Manong Celso, ang guwardya sa labas at si Kuya Dan, ang driver. Masasabi ko na makakasundo ko lahat ng tao dito, yung magiging alaga ko lang, ang asawa ni Mrs. Yu at si Trevor ang di ko pa nakikilala.
"Nako Dan, anong oras na ba? Di ba kamo nagpapasundo si Trevor saiyo at may lakad siya?" Sabi ni Nanay Ana
"Buti nalang pinaalala nyo nay, kalahating oras pa naman. Pero ayaw ni Sir ang naghihintay, mauna na ako. Ikinagagalak kong makilala ka Rae" sabay kindat sa akin.
"Sus nagpapogi pa ang batang ire, wag kang papatol jan Rae" tumawa nalang ako at tumango.
Pinagpahinga muna ako ni Nay Ana dahil wala namang masyadong gagawin at wala pa raw naman ang alaga ko. Pumanhik muna ako sa taas at umidlip.
Alas siyete na ng magising ako, halos dalawang oras akong nakatulog. Nakakahiya!! Agad agad akong nagsalamin, nagayos at bumaba. Mula sa hagdan ay naririnig ko ang mga tawanan nila, nangingibabaw ang matinis na boses ng batang lalaking nagkukwento. Si Ashton siguro?
Pagkababa ko sa kusina ay napatingin sila sakin, bumati ako at nahihiyang pumagilid sa tabi nila Manang.
"Oh I forgot to tell you pala. That is Rae, bago mong yaya Ashton. Say hello" sabi ni Mrs. Yu, tumingin sakin ang bata at kumaway. He's adorable. Tumango ako at ngumiti.
I was stoned ng tumayo ang nakakatandang anak ng Yu at lumapit sakin, mas gwapo sya sa personal. "Trevor Erick Yu. Trey for short." Aniya sabay lahad ng kamay. Batid ko ang panginginig ko ng abutin ko ang kamay nya para makipag shake hands.
He smiled, At bumalik muli sa kinauupuan. Ganun din ba sya sa mga ibang natanggap na yaya? Nakakagulat.
Pagkatapos kumain ng magpamilya ay kami naman ng mga kasama sa bahay ang nagsalo salo. Lahat sila ay mababait at mapang asar. Magaan ang loob ko sakanila. Nakikita ko ng makakasurvive ako dito sa bahay na ito. Walang masyadong pressure, isa pa lahat ay mababait.
Pumanhik ako at naghanap ng damit na pwedeng pagbihisan. Nakuha ko na rin ang uniporme na dapat kong suotin dito sa trabaho. Bukas ay sabado at ayon kay Manang ay laging lumalabas ang magkapatid para mag mall. Bukas ng alas diyes ang alis nila.
Pinaandar ko ang shower at naligo. Naramdaman ko ang pagod at pamimigat ng talukap ng mata ko, pumikit ako at agad ring nakatulog.